Biel-Bienna è il lieu da la 35avla Festa federala da musica 2026 (FFM26). Nus appellain a tut las uniuns/societads da musica da s’annunziar.
Precis suenter 50 onns ha puspè lieu ina Festa federala da musica a Biel-Bienna e quai dals 14 als 17 da matg 2026.
La deputada dal Cussegl grond Nadja Günthör è gia sa declerada pronta da presidiar il CO FFM26. L’Uniun svizra da musica (USM) sa legra d’avair chattà cun Nadja Günthör ina persunalitad qualifitgada per questa incumbensa pretensiusa. L’occupaziun dals ulteriurs ressorts en il CO progredescha actualmain cun schlantsch. Uschespert ch’il gremi è cumplet, vegn el preschentà a la publicitad.
Metter in ferm segn cuminaivel per la musica instrumentala
La citad da Bienna e ses conturns e la USM vulan preschentar la musica instrumentala a chaschun da la 35vla Festa federala da musica davant ina culissa imposanta. Las protagonistas las pli impurtantas da la festa èn las societads da l’uniun che participeschan. Pervi da quai e perquai che Bienna surpiglia la festa suenter la retratga dad Interlaken appellain nus a tut las societads da musica svizras da s’annunziar uschè numerusas sco mo pussaivel.
Per ils 21 da schaner 2025 eran inscrittas gia 495 furmaziuns. La direcziun da la USM giavischa la preschientscha dad almain 530 societads participantas a Bienna e da metter uschia in ferm signal.
Il CO FFM26 e la USM sa legran dad ulteriuras annunzias e d’ina grondiusa Festa federala da musica 2026 che fascinescha l’entira Svizra.
Weitere Infos und Anmeldung
Termin d’annunzia: 30 da zercladur 2025