All’entschatta dalla sessiun d’unviern elegian ils Cussegls naziunal e dils stans mintgamai il president dil Cussegl naziunal. Il resultat dall’elecziun: «Eligius ei cun 181 da 188 vuschs valeivlas Martin Candinas.»
Il Grischun Martin Candinas ei aschia il pli ault politicher dalla Svizra. El ei staus musicant activ dalla Societad da musica da Rabius e dalla Musica dils cadets dalla Scola cantunala grischuna Cuera e discuora ils quater lungatgs naziunals. Il romontsch e la musica instrumentala schain specialmein a cor ad el. Il «Zusammen, ensemble, insieme, ensemen» ei per Martin Candinas da gronda muntada, en la musica ed en la politica.
