Numerus projects orientads a l’avegnir ed in barat animà tranter participantas e participants han caracterisà la conferenza d’atun dals presidis e da las cumissiuns da musica da las associaziuns da commembers da l’Uniun svizra da musica ad Olten la fin d’october.
En ses bainvegni ha Luana Menoud-Baldi menziunà ils trais gronds projects per la realisaziun da l’ultima fasa da la strategia 2020-2025: la refurma da la scolaziun e da la furmaziun cuntinuada, la collavuraziun cun la SSR SRF e l’adattaziun da las structuras da l’uniun, «Enavant da cuminanza». «Enavant da cuminanza» n’è betg mo in slogan, igl è la moda e maniera co che nus vulain vegnir enavant», ha ditg la presidenta da l’uniun.
Organisaziun naziunala per la scolaziun e la furmaziun cuntinuada
Il president da la cumissiun da music,a Thomas Trachsel, ha infurmà davart il proxim pass, l’installaziun d’ina organisaziun per l’entira Svizra cun l’USM sco organisaziun da tetg centrala cun tschintg centers da cumpetenza regiunals (Romandia, Nordvest, Central, Ost, Sid).
Las definiziuns dals cuntegns da las scolaziuns, l’occupaziun da posts cun persunas, l’administraziun e la publicitad per la purschida succedan da maniera centrala. En las regiuns vegnan preparads ed accumpagnads ils curs ed organisà l’andament dals examens.
Novas determinaziuns per la scolaziun da manaders G+M tar la USM (en tudestg)
Utilisaziun da la glista da tocs da concurrenza da la USM fin a la fin da FMF26
Retrospectiva aVENTura
- aVENTura è stà in project legraivel
- i dat gia novas ideas ed ina repetiziun è probabla
- il turnus n’è anc betg enconuschent
- Il tema vegn midà
- Il pol dal sid sco localitad è stà empernaivel. Il sulet dischavantatg: la gronda distanza dals centers, nua ch’ins na cuntanscha nagin public occasiunal
- Unic nivel a l’orizont: dals chantuns eran preschentas mo paucas persunas. Thomas Trachsel giavischa en avegnir dapli persunas da l’Uniun al lieu.
- La communicaziun vasta dad aVENTura è accessibla online (en tudestg)
Project da 4 parts cun la SSR SRG
Jean-Marc Richard, manader da la plattafurma naziunala SSR SRG ha preschentà ils quatter concepts che vegnan e rinforzar la collavuraziun tranter la SSR SRG e la USM. Uschia vegn la musica instrumentala messa en ina nova glisch e preschentada ad ina vasta publicitad cun sias fassettas e fermezzas.
Foto: Franziska Dubach- «Sche nus sunassan ensemen» – a chaschun d’in concert ils 18 da december 2023 per «Coeur à Couer» en il Teater Passage sa scuntran instruments a flad cun auters geners da musica e d’art. Uschia vegn il project lantschà uffizialmain. Las entradas van sco donaziun a la «Chadaina da fortuna». La primavaira 2024 suonda la documentaziun musicala cun l’istorgia da quest inscunter, accessibel sin Play Suisse.
- Il radio fa differentas novas registraziuns da societads da musica en las differentas regiuns linguisticas da la Svizra.
- La marca da tetg «Swiss Windband Award» reunescha differents projects da musica, tranter auter p.ex. in festival cun ils victurs da las festas da musica chantunalas 2024, ina nova versiun dad aVENTura e da la Swiss Windband Solo-Championship (vesair l’alinea Prix Musique).
- Campagna dad image da la USM #musica instrumentala-creativ, #musica instrumentala-innovativ, #musica instrumental-influencer e projects chantunals (p.ex. record mundial cun 10’000 musicant(a)s tar il giubileum da UMSG) ed ils concerts da la NJBO e da la NJBB per la promoziun da la giuventetgna.
Project «Structuras da l’uniun»
In grond tema è era stada la structura da contribuziuns da la USM. Il manader da las finanzas Hanspeter Frischknecht ha preschentà l’emprim il vast catalog da prestaziuns da l’Uniun svizra da musica, dividì en las categorias purschidas e servetschs, musica, communicaziun e ‘political affairs’ e lura ils basegns da finanziaziun. Ils basegns supplementars èn vegnids finanziads dapi il 2019 cun entradas excepziunalas, contribuziuns spezialas e cun las reservas. A partir dal 2024 duain ils basegns supplementars vegnir egualisads da maniera structurala cun entradas ordinarias.
Suenter ha Frischknecht preschentà quatter novs models da finanziaziun. La direcziun da l’uniun vuless ch’il commembers communitgeschian lur opiniun en chaussa e egn als trametter per e-mail in link per in questiunari per ch’els possian inoltrar lur inputs enfin Nadal.
Foto: Franziska DubachMidadas tar il Prix Musique
Areguard la realisaziun 2024 èn il reglament e las concurrenzas da qualificaziun vegnidas adattadas ed ulteriur(a)s participant(a)s èn vegnid(a)s evaluad(a)s, sco che Michel Graf, commember da la direcziun da l’uniun ha menziunà. L’eveniment vegnia ultra da quai ad avair num en avegnir «Solo-Championship» en il rom dal «Swiss Wind Band Award», perquai che Prix Musique saja formulà da maniera memia generala tenor il UFC.
Retrospectiva Prix Musique 2023 (en tudestg)
Solo-Championship 2024 – Save the Dates
- Runda da qualificaziun: 31-08-2024 in Berna
- Final da nov il 14-09-24, il lieu vegn anc communitgà
- Il cussegl dals commember da l’atun ha era lieu a quel termin (il termin oriund dals 21-09-24 coincida cun il Besson Swiss Open Contest).
Avegnir da la musica instrumentala & in gieu per l’entira famiglia
Il suentermezdi è stà sut il motto da la preschentaziun da projects spezials ed innovativs ord las retschas dals commembers. Monika Schütz e Daniel Schuler da l’Uniun da musica da Turitg han preschentà ils resultats da l’enquista da lur project da transfurmaziun «ZukunftBlasmusikZH», interessants per l’entira Svizra. Leger ils detagls online (en tudestg).
Sco proxim ha Fabien Gavillet, president da l’associaziun da musica da giuvenils da Fribourg (VFJ) preschentà in gieu da chartas sviluppà da la VFJ a chaschun da ses giubileum da 50 onns. Il gieu introducescha cun duas variantas da giugar (quartet e supertrumf) en las famiglias d’instruments. Ulteriuras infurmaziun sin afjm.ch
Caprihorns & locals da provas averts
Il president Andy Kolleger ha lura preschentà il project da transfurmaziun «Famus & trumbetta» da l’Uniun chantunala da musica dal Grischun. Ulteriurs detagls vegnan ins a savair en l’artitgel da Vivace «Medias socialas èn da grond’impurtanza».
Sut il motto «inneluege, kennelärne, mitmache!» han las societads da musica da Schaffusa avert lur locals da prova, quai ha rapportà il president chantunal, Oskar Brütsch. La publicitad per questa idea è vegnida fatga al radio, en las medias socialas e cun in flyer a las chasadas da la Schaffusa, sviluppà a l’intern da l’uniun chantunala inclusiv ils logos da tut las societads participantas (spediziun sparpagliada). L’iniziativa ha gì in resun uschè bun ch’ella vegn repetida l’onn proxim dals 2 als 6 da settember 2024. Il success è stà grond: ins ha pudì recaltgar 15 novs commembers!
Resposta a la consultaziun
Sut «Varia» ha la radunanza sustegnì l’idea dad Andy Kollegger da surdar la resposta da la USM a la consultaziun dal messadi da cultura 2025-2028 persunalmain al president dal Cussegl naziunal Martin Candinas ils 17 da november a Berna a Las 12.30. En questa resposta giavischa la USM il tractament egual da G+M sco G+S ed il mantegniment dals instruments da promoziun existents ed etablids en il sectur d’amaturs.
En ses pled final ha la presidenta da l’uniun Luana Menoud-Baldi engrazia a tut las participantas e tut ils participants per lur lavur: «Quai permetta a nossa scena da far in pass enavant en la cuntrada culturala ensemen cun l’activitad musicala. Nus na duain dentant betg manchentar la schanza dad ir «enavant da cuminanza», perquai che ensemen essan nus pli ferms!»
