Explicaziun dalla Cumissiun da musica dall’USM dalla gliesta dils tocs da concurrenza tochen la fin dalla FFM26.
Dapi igl 1. da schaner 2023 exista la nova gliesta dils tocs da concurrenza dall’USM. Perquei che la revisiun dalla gliesta veglia ei seresultada extendidamein, ha la Cumissiun da musica dall’USM decidiu, da schar valer la gliesta veglia tochen la fin dal-la FFM26 ad Biel/Bienne.
Applicaziun
Per saver applicar las gliestas per la schelta da tocs da pag a caschun dalla FFM26 ni eventualmein er per fiastas da musica cantunalas che serefereschan alla gliesta dall’USM, valan las suandontas prescripziuns.
- Ovras che sesanflan aunc sin la gliesta veglia, denton buca pli sin la nova, san vegnir eligidas per la FFM26 e per fiastas da musica can-tunalas che han liug el fratemp (e che serefereschan tenor reglament alla gliesta dall’USM) sco tocs da pag. Per quellas ovras vala la classi-ficaziun sco tochen da cheu sin la gliesta veglia.
- Per ovras ch’ein vegnidas pridas ord la gliesta veglia vi sin la gliesta nova, mo ein vegnidas messas en in’autra classa, vala la classificaziun dalla gliesta nova.
- Per ovras ch’ein vegnidas inoltradas per schar classificar suenter igl 1. da schaner 2023 e ch’ein vegnidas acceptadas e classificadas, vala sulettamein la gliesta nova dils tocs da concurrenza.
Impurtont!
La gliesta veglia vala definitivamein buca pli suenter fa FFM26 e vegn el futur buca risguardada pli.
