Las annunzias povisoricas cuntanschan il cunfin da 400 e in nov lieu da festa per la Festa da Musica Federala (FMF) 2026.
Tge grondius resultat intermediar tar las annunzias! Bunamain 400 societads da musica cun passa 15 000 musicantas e musicants èn s’annunziadas provisoricamain per la FMF26.
Annunzias provisoricas
La direcziun da l’Uniun sa legra da questa situaziun da las annunzias empermettenta, oravant tut perquai che las annunzias èn vegnidas fatgas cun in nov sistem ch’è sa cumprovà fitg bain. Tut ils participads din grazia fitg a la famiglia da la musica instrumentala da la Svizra e prendan per mauns las proximas lavurs da preparaziun cun ina motivaziun speziala grazia a questa fitg buna situaziun tar las annunzias.
Uniuns annunziadas, situaziun 27 da november 2024
- Classa superiura: 14
- 1. classa: 44
- 2. classa: 117
- 3. classa: 160
- 4. classa: 21
- Trategniment: 36
In nov lieu per realisar la festa
Interlaken desista dad organisar la FMF 2026.
Ils davos mais han gì lieu numerus discurs tranter la cumissiun permanenta FMF26 da la USM ed il CO da la FMF 2026 Interlaken. Motivs economics han deplorablamain chaschunà ch’il CO Interlaken ha dà enavos il mandat per l’organisaziun da la FMF 2026 a la USM ils 25 da november cun la disditga dal contract.
Cun grond displaschair ha la USM prendì enconuschientscha da la restituziun dal mandat ed ha tschertgà immediat in lieu alternativ. Per la direcziun da l’uniun da la USM è l’organisaziun d’ina festa da musica federala il 2026 ina absoluta necessitad. La cumissiun permanenta FMF che consista da Luana Menoud-Baldi (presidenta da l’uniun), Hans Seeberger e Michel Graf (vize-presidents), Hanspeter Frischknecht (schef da finanzas), Stefan Roth (vicepresident CuMu USM) e Peter Schmid (represchentant CuMu) è gia en contact permanent cun in nov comité d’organisaziun pussaivel. Ils discurs vegnan terminads las proximas emnas.
Ulteriuras infurmaziun davart il nov lieu da festa da la FMF 2026 vegnan communitgadas il pli tard ils 20 da december 2024. Da princip pon ins spetgar ch’il plan da termins tenor ils reglaments da festa e da giuria possia vegnir resguardà. Pervi da la midada dal lieu da festa na vegn il pretsch da la carta da festa dentant betg gia communitgà il december 2024, mabain pir il schaner 2025.
En vista a la situaziun legraivla da las annunzias è l’Uniun svizra da musica persvasa ch’i dat ina grondiusa Festa da musica federala il 2026 che vegn ad intgantar l’entira Svizra. L’Uniun sa legra da speranza ulteriuras numerusas annunzias che dattan ulteriur schlantsch a las stentas per la realisaziun da la Festa da musica federala 2026.
Per dumondas As stat l’USM gugent a disposiziun cun il mail da contact emf26@windband.ch.
