Prestaziuns excellentas als Solo-Finals 2026

Régis Gobet / FD
SBV News
31. August 2026

Featured image: Nathalie Gobet-Vial

Il final dals SOLO-Finals dal SWISS WINDBAND AWARD da l’Uniun svizra da musica (USM) ha gì lieu la sonda, ils 29 d’avust a l’Espace Perrier a Marin-Epagnier (NE). La concurrenza e vegnida organisada da nov en in unic di ed ha curunà quatter victurs.

L’ediziun 2026 dal SOLO-FINAL dal SWISS WINDBAND AWARD ha gì lieu da nov durant in sulet di, enstagl d’ina entira fin d’emna. Sonda, ils 29 d’avust l’avantmezdi han ils candidats da la categoria «Percussion» (Modern e Classic) fatg la concurrenza in cunter l’auter, avant ch’ils participants e las participantas da la categoria «Wind Instruments» (instruments a flad da lain e da sturs) èn sa preschentadas il suentermezdi davant ina sala quasi plaina.

Musicants da la categoria Percussion Classic flancads da commembers da la direcziun da l’Uniun — SOLO-Finals 2026 Percussion Classic (d.s.a.d.): Fabrice Reuse (Commember direcziun USM), Mauro Wigger, Victor Sparleanu, Aaron Tschopp, Luana Menoud-Baldi (presidenta USM) ed Aldo Werlen (cdt musica militara)

«La qualitad da las preschentaziuns, tuttas sin in fitg aut nivel, lascha pli che valair la paina da la fadia ch’è vegnida messa en l’organisaziun d’ina tala occurrenza. Tant dapli en vista a la gronda fulla da public», è sa legrà Fabrice Reuse, commember da la direcziun da l’associaziun dal USM e responsabel per ils SOLO-FINALS.

Leo Aschwanden a la percussion — Leo Aschwanden

Fabio Arber a la marimba — Leo Aschwanden

Quatter victurs

La concurrenza ha premià quatter victuras e victurs. En la categoria Percussion Classic ha Victor Sparlenau da Zug gudagnà avant Mauro Wigger (LU) ed Aaron Tschopp (BE), entant che Leo Aschwanden da Turitg ha gudagnà la categoria Percussion Modern.

Célestine Crelier suna flauta traversa, accumpagnada dal Orchester da la musica militara svizra — Célestine Crelier

Julette Duay suna flauta traversa, accumpagnada dal Orchester da la musica militara svizra — Célestine Crelier

Musicantas da la categoria Wind Instruments da lain flancadas da commembers da la direcziun da l’uniun — SOLO-Finals 2026 Wind Instruments Lain (d.s.a.d.): Fabrice Reuse (commeber direcziun USM), Juliette Duay, Célestine Crelier, Corine Schnyder, Luana Menoud-Baldi (presidenta USM) ed Aldo Werlen (cdt musica militara)

Tar ils instruments a flad è Cèlestine Crelier dad Alle (JU) daventada victura 2026 cun la flauta traversa en la categoria instruments a flad da lain. Ella ha gudagnà cunter Julietta Duay (flauta traversa, LU) e Corine Schnyder (clarinetta, LU).

Florin Mesmer suna posauna dal bass, accumpagnà dal Orchester da la musica militara svizra — Florin Mesmer

Antoine Zeiter suna eufonium — Florin Mesmer

Nathan Goumaz da Châtonnaye (FR) ha cuntanschì il titel cun ses eufonium en la categoria instruments a flad da sturs. Antoine Zeiter (eufonium, VS) e Florin Mesmer (posauna dal bass, SG) han cumplettà il podi.

Musicants da la categoria Wind Instruments da sturs flancads da commembers da la direcziun da l’uniun — SOLO-Finals 2026 Wind Instruments da sturs (d.s.a.d.): Fabrice Reuse (commember direcziun USM), Antoine Zeiter, Nathan Goumaz, Florin Mesmer, Luana Menoud-Baldi (presidenta USM) ed Aldo Werlen (cdt musica militara)

L’Orchester sinfonic a flad da La musica militara svizra sut la direcziun da Carlo Balmelli ha accumpagnà las sis solistas e solists da la categoria Wind Instruments.

L’Orchester sinfonic a flad da La musica militara svizra sin tribuna — L’Orchester sinfonic a flad da la musica militara svizra

Las giurias èn sa cumponidas dad Iwan Jenny, Yves Kolly e Laurent Zufferey per ils percussiunists e dad Isabelle Ruf-Weber, Felix Hauswirth ed Oliver Waespi per las musicantas e musicants dad instruments a flad.

La giuria da la concurrenza da percussiun en acziun — Giuria da las concurrenzas da percussiun

Carlo Balmelli vid diriger — Giuria da las concurrenzas da percussiun

Proxima ediziun a martigny

L’occurrenza ha gì lieu a l’Espace Perrier a Marin-Epagnier (NE). Ella è vegnida organisada communablamain da l’Uniun svizra da musica (USM), dal Center da cumpetenza da musica militara e da l’Uniun chantunala da musica da Neuchâtel. Sustegnì la concurrenza han l’Uffizi federal da cultura (UFC), la Banca Raiffeisen, la Mobiliar, la butia da battarias Glanzmann SA e la Musik Zurkinden SA.

La proxima ediziun dals SOLO-FINALS ha lieu 27 da favrer 2027 cun il mezfinal en la caserna da Berna ed il final ils 28 d’avust 2027 a Martigny.

Beitrag teilen

Regis Gobet
14. October 2026

Seit achtzig Jahren eng verbunden

Was zeichnet Ihren Verein aus? Unser Zusammenhalt ist zweifellos das Fundament unseres Vereins: Gegenseitige Unterstützung sowohl auf musikalischer als auch auf sozialer Ebene gehört für uns fest dazu. Und dann…

Franziska Dubach
13. October 2026

Aargauer Kantonales Musikfest 2028 kommt nach Baden

Vom 9. bis 11. Juni 2028 wird Baden zum Zentrum der Aargauer Blasmusik. Rund 5000 Musikantinnen und Musikanten und rund 10’000 Besucherinnen und Besucher werden pro Tag am Kantonalen Musikfest…

Tschertgà/-da in/ina dirigent/a

Recherche de directeur(trice): Union Instrumentale Bex

Effectiv: Armonia

Classa: 3. classa

Quai e tschai

Versicherung für Ihre Musikinstrumente

Tschertgà/-da in/ina dirigent/a

Musikalische Leitung gesucht: Musikverein Herbetswil

Effectiv: Brassband

Classa: 4. classa

Tschertgà/-da in/ina dirigent/a

Dirigent/in gesucht: Musikgesellschaft Fehraltdorf

Effectiv: Armonia

Classa: 2. classa

Occurrenzas

Tournee 2026 NJBO/HNJ/BNG/ONG

Data: 18.07.2026

-25.10.2026

Quai e tschai